Para localizar un punto de maneira exacta sobre a superficie terrestre úsanse as coordenadas xeográficas: Latitude e lonxitude.
- A latitude é a distancia dun lugar ao Ecuador. Mídese en graos desde o Ecuador (0º) ata os polos (90º). A latitude pode ser norte ou sur.
- A lonxitude é a distancia que separa o meridiano dun lugar do meridiano de Greenwich. Mídese en graos e oscila entre 0 e 180º. A lonxitude pode ser leste ou oeste.
